E $1.2 miliona le tupe o loo manaomia e le Asosi o taaloga a Samoa (SASNOC) e tapena ai le ‘au ta’aalo o le a masii atu i Pale Farani i le masina o Iuni o le tausaga nei mo le Olimipeka.
O lea manaoga sa faaleo mai e le failautusi le susuga ia Maureen Tuimalealiifano i le faatalanoaga ma tusitala i le faaiuga o le vaiaso.
E aofia ai i totonu o lena seleni, pasese, o meaai, ae o vaega e manamia mo togafitiga pea faamanu’alia le au taaalo.
Ma o loo vaai mamao le Asosi ma le Pulega, o lea fesoasoani mai le malo mo se isi seleni aua le faaatoaga o le tupe o loo tulituliloaina.
Peitai faamanino mai e le faiaoga ulu o le Asosi siisii uamea mamafa le susuga ia Tuapepe Jerry Wallwalk o lenei fesoasoani e lē gata i ‘au ua agavaa ae o isi ‘au ua toe taitasi Taaloga e saili agavaa ai mo le auai i Taaloga o le Olimipeka e pei o le lakapi taitoa fitu a alii ma tamaitai.
E ese mai i le $124,200 ST o le fesoasoani a le malo o Ausetalia na tau a’aoina i le faaiuga o le vaiaso aua tapenaga a ‘au ta’a’alo a Samoa o le a masii atu mo le Olimipeka i Pale Farani i le masina o Iulai 2024.
O lea fesoasoani tauala mai i le lagolago a le Pacific AusSports ma o le a agai tonu lava i tapenaga a auta’a’alo mai fa’agatama eseese e pei o le Lakapi, au siisii uamea mamafa, a’au, alo vaa faila, fusu, pii ma nisi o taaloga.
O le seleni sa foaina e Ausetalia ua tuuina atu i aao o le Faalapotoptooga o Taaloga a le atunuu le SASNOC mo le amatalia o tapenaga.
