100 tausaga ole Kolisi Vaipouli ae manatua pea

SHARE NOW

E le galo le pa ‘ave meamata, ofutino pa’epa’e a tamaitai,  ma le ie sulu meamata ae Mua lua pa’epa’e o tama, aoga a le Kolisi o Vaipouli Savaii.

Ole kolisi e tasi pe lava a Salafai, na tu matila mai ai mitamitaga o matua, e oo pe au sana tama i le Kolisi o Vaipouli.
Sa tausinio uma iai fanau a itumalo ile taimi o Suega faaiu o le tausaga.

Na faafailele mai ai soifua aoaoina o le tele o tama fanau a Salafai, ua loa o tautua ile atinaeina o le malo Samoa.

Peita’i o le faigamalaga muamua faalevaomalo a le Palemia tamaitai muamua o Samoa i Niusila,  Afioga Fiame Naomi Mataafa, i lana ta’ita’iga i le suiga o Samoa, o lana faigamalo fou:

Ua fai ma auala e faaui ane ai le lagolago a alo ma fanau ale motu tele i Savaii, sa a’otauina i le Kolisi muamua a le malo i Salafai, Vaipouli College.

Ma latou avane ai ile Taitai o le malo, ile taimi na malaga atu ai i Niusila le afioga i le Palemia, Fiame Naomi Mataafa, lo latou sao, mo le atinaeina o fanau aoga i Savaii, ua aooga ile lala ole Iunivesete aoao o Samoa i Savaii.

E $10 afe tala le seleni na faasiaki ma malaga mai ma le afioga ile Palemia, mai teine ma tama Vaipouli tuai. Ole kolisi o Vaipouli sa tu i gauta o Avao.

Na faavae mai ile 1922, i le taimi o pulega faakolone o Samoa. I faamaumauga, o le Kolisi mo aoaoga faafaatoaga.
Peita’i e tapunia ai le kolisi o Vaipouli, ile taimi o le faigamalo talu ai HRPP, Ae o lesi lea o aoga, na latou tauavea mai le mua lua lanu pa’epa’e.

Ole faailoga ole toniga o le Mau a Samoa, pei ona faaauau mai ai pea e se vaega o aoga tulagalua le mua lua pa’epa’e, ma toe faaolaola atili mai ai nei e le faigamalo fou a le FAST le mua lua pa’epa’e.

I tausaga ua mavae, I Vaipouli sa na’o le pau lena o le Kolisi a Salafai, ao lei faia suiga e le faigamalo talu ai, pei ona ua iai nei, ua faakolisiina aoga Jr Highs sa iai aoga faaitumalo,  ma avea ai nei o Kolisi a Itumalo.

Peita’i o le Kolisi o Vaipouli sa aooga tasi ane iai alii ma tamaitai  mai itumalo uma o Savaii, o nuu taumamao sa nofotumau a latou tamaiti aoga ile Kolisi.

Ole vaiaso nei na tauaao aloaia atu ai e le Afioga i le Palemia, le ma’au ole Sosiaete a Vaipouli tuai i Niusila. $10afe tala , i le  susuga iā Aiono Prof. Alec Ekeroma, Ole Pule Sili o le Iunivesite, e faatupe ai le atinaeina o fanau aoga ile lala o le Iunivesite aoao a Samoa i Savaii.