30 Ianuari, 2025 Samoa – A’o sami ai ile vaiaso atoa lenei sasa masani ai faaletausaga mo le Customs ile lalolagi ma patipatia foi e le Matagaluega o Tiute a Samoa,
Ae ua taunuu tonu mai ai lava ma le uta na aumai ai fualaau faasaina ile uafu i Matautu.
Ma faailoa i luga o lana itulau o fesootaiga televave, Samoa Customs, ma salalau atu ai le tala ole uta na maua ai aisa, e lata ile 10 kilo kalama le mamafa.
O tiute masani fai faatasi lava a le Ofisa tiute ma taifau sosogi a leoleo, na maua ai ile faaata faapitoa mo pusa oloa, poo le Container X-ray Scanner.
Le uta lea o aisa, 10kg le mamafa.
Peita’i ua taunuu le uta lea, ae ole Aso GAfua ole vaiaso nei na saunoa ai le Minisita o Tiute ma tupe maua, Tuala Iosefo Ponifasio, ile faamnatuina o le Customs day 2025, ile sini o lenei tausaga, ‘Customs delivering on its Commitment to Efficiency, Security, and Prosperity,’
Poo le galue ma le faamaoni, mo le saogalemu faaauau.
Ua faamauina ai foi galuega o lenei tausaga a le Ofisa tiute, ile taunuu ai ole pusa oloa na maua ai aisa o fualaau faasaina, e 10kg tusa ma le 22 lb, le tele.