E 12 miliona tala le aofai o le tupe lea sa tauaao iai le matagaluega o galuega ma felauaiga ma atinae eseese faapea ai ma le PFL I le afioga I le minisita o le matagaluega o tupe le afioga Lautimuia Afoa Uelese Vaai I le aso ananafi lea na tuina atu ai I lona ofisa i le Maota o Tui Atua Tupua Tamasese Efi (TATTE). i Sogi.
I le pepa o faamatalaga mai luga o le itulau a le Savali Nwspaper lea sa tuuina mai ai ma faailoa mai ai lea sa Faaalia e le alii Minisita ua tele taimi na latou feutagai ai (GM) ma e leai se tasi o ia manatu ma fuafuaga na mafai ona faatino pe ana le seanoa le aufaigaluega o loo galulue malosi e faatino.
A’o le’i fautuaina le Minisita o Tupe ina ia mautinoa o lo’o fa’aaoga tatau tupe nei mo le manuia o le atunu’u ma ona tagata.
Ma ua mautinoa o le sao a le PFL i le tamaoaiga o Samoa o le a pulea lelei.
Na faaalia e le taitaifono o le PFLL Tupuola i le au faasalalau le tuai ona tuuina atu o le tufatufaga ona o le tele o mafuaaga e le lautele o le kamupani i le lotoifale ae faapea foi ona aafia ia I le faamai o le COVID 19.
Na momoli atu le faafetai a Lautimuia i Faatonusili ma Pule Sili ona o le galuega fita ma galuega ua ausia.
Na ia fa’ailoa fo’i o lo’o fa’atali le taimi nei i le su’etusi o le tausaga 2021-2023 ma a mae’a loa ona tu’uina atu lea o le isi tufatufaga.
I se fa’asalalauga tu’ufa’atasi a Tupuola ma le Fa’atonu Sala Faumuina Toomata Theodore S Toalepai sa latou fa’ailoa ai le tele o fa’alavelave sa feagai ma le kamupani i aso ua mavae.
E aofia ai ma le va’a tele na maua i le taimi lava na fa’atau ai le va’a Forum Samoa II ia Aukuso 2009 lea na pa’ulia i le uafu i Apia i lana folauga fa’apitoa i le aso 29 Aokuso 2009.
“O le faagaioiga a le PFLL sa le mafai ona totogi ma e LEAI se tagata fai sea poo se atunuu o Forum Island na manao e teu faafaigaluega i le PFLL i lena taimi vagana ai [le] Malo o Samoa.”
O lea la, o le Autu talafeagai o le poloketi PFLL lea na filifilia e le Komiti Faatonu e mai le Tusi Paia a le Atua i le Salamo 118, fuaiupu 22 o loo taʻua ai “o le maa lea na o tufuga faufale ua tuulafoaiina ua avea ma maa tulimanu sili.”
Faaalia e le alii Minisita lona agaga faafetai ma le faafetai i le Taitaifono o le Komiti Faatonu ia Tupuola Oloialii Koki Tuala ma le Faatonusili ia Sala Faumuina Toomata Theodore S Toalepa ona o a latou taumafaiga lē faavaivai i le tele o tausaga ua iu lava ina fua mai.
Na ia fa’afetaia fo’i le Pule Sili o le PFL ia Teuila Eteuati ma le ‘Aufaigaluega a le kamupani mo lo latou sao i lea tulaga.