E 14 afe faisaofaga a le NPF e le’o gafatia ona totogi tului

SHARE NOW
Ua faamaonia mai e le pulega o le NPF, “O loo tumau pea faiga faavae mo nonoga tupe laiti a le NPF , e le’i suia.”
Sa iai le fuafuaga a le Pulega faatonu ole NPF poo le Board e faalauiloa se suiga mo le manuia o fai saofaga. Pei lea o le tilotilo i tagata e le’o lava latou repayment, aua e uma ane lona taimi faigaluega, ua litaea, ua le tusa ai ma se tupe o totoe o lana NPF.
Talu le totogi o tupe faasili poo le interest mole NPF, faatasi ai ma le lua ile tolu aitalafu poo loan eseese a le tagata faisaofaga e toatasi, ma ole tele foi lena o tupe tului interest e tipi ese e le NPF, i luga o lesi tipi ma luga o lesi tipi poo le interest.
Mai le tatou paaga i totonu ole pulega, e toeititi lava $400miliona tala pe afai e off set interest na a le NPF, o le ‘a matua aafia ai lava galuega faatino a le NPF.
Taimi nei ile NPF, e tusa ma le 14afe le aofai ole aufaisaofaga a le NPF e le’o kava a latou interest poo tupe tului ia e tipi ese mo le Pulega o le NPF.
O suiga lea na fuafua le pulega ole NFP e tilotilo iai, e fesoasoani ai lea ile aufaisaofaga, ia litaea ane mulimuli ae iai se tupe mo ia.
Talu o le tulaga o iai nei, pei ose faataitaiga na tuuina mai i totonu ile pulega, a faapea o loo e loan ile $20afe, ae $2,200 le interest ile tausaga, afai ole repayment 60 ile masina, faatele ile 12, ua $720 e le kava ai le $2,200 o lau interest ile $720.
Ae a toese mai le $720 lena mai le $2,200, e totoe ai le pea ma le 1,500 le interest e le totogia. E oo atu I lesi tausaga ua faaopopo foi lesi interest I luga, ma lesi tausaga e tupu lava le interest poo le tuli ma le NPF e le’o totogia, ae le’o minoi lava lau principal.
Ole suiga lea o loo fuafua le Board a le NPF, pei ona ta’ua mai totonu, e fesoasoani ai i le silia ile 14afe o tagata faisaofaga o aafia ai ile totogi o lesi interest I luga o lesi interest, ma le tai lua tolu loans ile saofaga lava lea e tasi, oo ane ina litaea, e laki ae oo ise 10 pasene ole saofaga e maua aua o le’a tipi uma interests faaputuputu.
Ua fetaui le toe taofia mai o suiga a le NPF faatatau i ana nonogatupe laiti ma le taimi o le tupe faasoasoa faaletausaga a le malo, lea e faalauiloa ai i lana fonotaga ile vaiaso nei.