Ua mafai ai nei e le Poloketi faapitoa o loo faafofoa, faaolaola ma faafailele ai figota i le gataifale o Mulifanua ona faafailele le limu fuafua ma tapena ia mafai ona tufa ma avea ose tasi alagaoa ile tatou atunuu.
Mai faamaumauga faalauaitele a le Matagaluega o faigafaiva, ‘Pe afai e manuia le taumafaiga lenei, o se avanoa tele lea ise tasi foi o ala tupe .
Ua mafai ona faatino i le fesoasoani lautele a le malo o Iapani, ile galuega faifaatasi ma Poloketi atinae a Malo aufaatasi, UNDP.
Ma agavaa ai le Matagaluega o faigafaiva e faatino ma faagaioi, e aofia ai ma polokalame mo le silafia lautele. Ile aoga o le limu ma lona faalauiloaina faalauaitele, pei o le sii atu o le limu e faafaatoaga i nisi ogasami fou mo le faatupulaia o seleselega a le au fai faatoaga limu.
Ole poloketi foi lea o loo faatupea isi faatoaga faaopopo o loo faia i Toloa mo le faamoemoe lava ia faatuputeleina pea alagaoa o le gataifale.
Ma faafetaia ai e le Matagaluega le malo o Iapani ile soosootauau ai ma le UNDP, ile faatelevave lea o le faafaatoagaina o le limu i Samoa.
Ma faafetaia ai e le Matagaluega le malo o Iapani ile soosootauau ai ma le UNDP, ile faatelevave lea o le faafaatoagaina o le limu i Samoa.
Ua ave ai nei le limu fuafua ose tasi o taumafa taua , ona o le ‘oa i nutireni ma lona aoga ile soifua maloloina ole tagata. Ma e ola i sami ole aloalo papau ile gafataifale o Samoa.
Ma e 20 nuu o Upolu ma Savaii, lea ua mata’ituina o latou aloalo e faafailele ai le limu fuafua.
