$2,000 ile tausiga o fanau sauaina

SHARE NOW

16 Ianuari, 2025 Samoa- O galuega faatino ile alofa e faaauau lava ona tupu ma lagolagoina e le atunuu, pei ona molimauina e le Toomaga mo e Puapuagatia, SVSG Samoa Victim Support Group.

O Ianuari aso 5, na taunuu i le Campus of Hope i Tuana’imato le asiga mai le Hosanna Christian Church i Brisbane, taitai mai e le Susuga I le President Tagiilima Maiava, o le Savali a Keriso Ministry.

Ma latou faamealofa le $2,000.

Peita’i e le gata o le mealofa, ae ose feiloaiga sa molimauina le faafiafiaina ai o fanau ile lotoa, i pesega faaleagaga ma viiga siitia ma latou taumamafa faatasi ai.

O saunoa ai le Peresetene ole SVSG, Siliniu Lina Chang ose aso faagalogata mo le fanau, ae ose aso foi na ae ose faafouina foi o lagona o le aufaigaluega o tina ma alii o loo faigaluega ai ile vaaiga o le Campus of hope, mo le silia I le 70 fanau mai le pepa ie 18 tausaga o tausia ai.