E $25.6 miliona tala mai le ADB mo Samoa, o tupe lea ua aumai e le faletupe o atinae a Asia, ADB Asian Development Bank e fesoasoani ile malo o Samoa, ma ana faatatau e tali atu ai I le faamai tele, le korona virusi.
Ae o loo faia pea galuega mo le puipuia mai le pepesi o le siama.
Pei ona faamaonia mai e le MOH poo le Matagaluega o le Soifua maloloina le 13 o tagata ua maliliu , talu ona iloa le mai muamua I le falemai tele I Motootua I le aso 17 Mati 2022.
Faatasi ai ma le aofai o tagata ua pisia I le siama na Malaga mai ma latou I fafo, ma tagata ua pisia I tua atu o nofoaga faanofovaavaaia I le 7,185.
O ta’ua e le faatonu o le faletupe a le ADB, o le faasoasoa lea, o le a mafai ai e le malo o Samoa, ona fai auala e faatonutonu ai le pipisi a le siama.
O le siitia o tagata ua fai tui puipui, e fesoasoani tele ia Samoa ma isi atunuu o le Pasefika e toe manuia mai le aafiaga o le faamai tele. E lagolagoina malosi e le ADB aafiaga o le Pasefika, ma o le vaega 3 lea o lana fesoasoai,
O le faletupe o atinae a Asia, e mo le faatumauina lea o soifua lelei o le atu Asia ma le Pasefika, ma le taumafaiga e aveesea le mativa. Na faatuina mai le 1966, ua 68 ona totino, ae o le 48 o lena aofai e omai ile itulagi .
