E 300 avanoa sikolasipi mo le ono masina ua ofo mai e le Univesite Aoao o Samoa, mo soo se tagatanuu o Samoa e fia a’oa’oina tomai e saili ai se galuega, amata atu ia Ianuari 2023.
Ua vaevae ai e le Iunivesite Sikolasipi na i mataupu poo courses e tolu o le, Mataupu tau tomai mo galuega i le google poo le (Grow with Google skills for work), Mataupu tau galuega, (courses skills for work) ma le Mataupu tau le Mafaufau mo le Galuega.
O courses nei e tolu e ta’i 100 avanoa sikolasipi i le Mataupu, ma o nei a’oa’oga e faia online poo luga o upega tafailagi.
Peitai e le gata o na avanoa sikolasipi ae ua ofo mai foi ma le tusi e talosaga atu ai pea manaomia ni resources poo ni masini e faaoga e i latou o lea resitala, pei o se komepiuta feaveai, tablets, se initaneti talafegai ma lou nofoaga, poo se fesoasoani foi mo le faaliliuina o faatonuga faaperetania i le tatou gagana aua o nei mataupu e faaoga le gagana peretania.
O lea la ua amata faagasolo nei le resitala o suafa ma le faatumuina o form i luga o le website a le Iunivesite Aoao Samoa, ma faagata ai nei avanoa taua i le aso 15 o le masina nei o Tesema.
