E tusa ma le 30,224 le aofaiga o tagata na faamauina le autovaa mai i totonu o Samoa i le masina o Tesema o le tausaga ua mavae, ma faamauina ai e le Ofisa o fuainumera faaamuina le siitia o le pasene i le 63.9 pea faatusa atu i pasene o le masina o Novema 2023.
Oi latou sa malaga mai i luga o le air poo vaalele e tusa lea ma le 92.5 pasene, ao le 7.5 pasene oi latou na sa malaga mai luga o le sami.
Peitai mai le atoaga uma lena e 30,224 o tagata na malaga mai e toa 22,512 oi latou na asiasi faapitoa mai pe na malaga mai ona oni mafuaga taua.
Ae toa 9,052 o aiga na fai aso fiafia mai i aiga ma fai malologa mai i Samoa nei.
O le 10,832 pei ona faamauina e le Ofisa o fuainumera oi latou na mai atunuu i fafo na auai mai e asia uo ma o latou paaga, ese mai le toa 357 na malaga mai i fonotaga ma feiloaiga faa pisinisi.
