Ua faamaonia e le Vasega o Faamasino Faatonu , le solitulafono a le alii, ia M.P, i lona sootaga i faigaaiga fasolitulafono ma le teneititi e 4 tausaga le matua.
Ma taunuu ai le afioga i le Faamasino ole Faamasinoga Maulauga, Justice Tuala Warren, ile faasalaga 34 masina ile falepuipui. Ua faaigoa i faamaumauga a le faamasinoga lea alii ia M.P.
Talu mai taualumaga ole mataupu lenei i le masina o Me ole tausaga nei.
Talu mai taualumaga ole mataupu lenei i le masina o Me ole tausaga nei.
E tusa ai ma faamaumauga o molimau, o le to’alua o lea alii o tuua’ia e faigaluega i le aiga ole teneititi ua aafia.
I faamaumauga a leoleo, o iloa ai , ile aso 2nd o Tesema o le 2018, na toona’i ai le o tuuaia ma lona to’alua i le aiga ole ua aafia. Ae o le uma ane ole toona’i na faanoi ai e le to’alua o le o tuua’ia , le teneititi mai lona aiga, pe mafai ona latou o e matamata mea faalelotu.
O le taimi na alu ai le to’alua o M.P e taele ae sauaina ai loa e le o tuualia le teine latiti lea , ma mulimuli ane i le vaiaso lava lena ta’u ele teineititi i lona aiga lona aafiaga.
Ae sa tetee malosi lava lea alii , 45 tausaga le matua , ma ia ta’u i le ofisa nnofo vaavaaia, e le moni, tuuaiga ua faia ia te ia.
O le taimi lena na’o le fa tausaga ole teneititi taimi nei ua valu ona tausaga, ae o ta’ua e lona tina , le fefe tele o lana tama ile tamaloa o tuuaia.
O ta’ua i le faaiuga, e le taumate le ogaoga o aafiaga o le teneititi , ile mea na tupu. Ma o popolega o ni ona aafiaga i se taimi umi.
