Ua tuuina mai nei le lapataiga a le Matagaluega o le Soifua Maloloina mo le mamalu o le atunuu lautele, talu ua faamaonia mai le siitia maualuga o le fuainumera o tagata ua maua i le isi siama fou o le faama’i o le HIV i totonu o Fiti e aofia ai ma fanau.
I faamaumauga ua tuuina mai nei e 415 i latou fou ua faamaonia le aafia i lena siama, e 404 tagata matutua ae toa 11 o fanau.
Pea faatusa atu i faamaumauga o le 2022 e na o le 245 le aofaiga oi latou na maua ua aafia.
Ma ua faamaonia foi le avea ai o Fiti ma atunuu o le Pasefika ua lona lua i le faatulagana o atunuu e maualuga le fuainumera o a latou tagata ua aafia i le HIV pea faatusa atu ile 1,553 o le faitau aofaiga uma o tagata nuu o Fiti ua aafia i lea faamai pepesi.
Peitai i Samoa lava ia e leai se isi gasegase fou o le HIV talu mai le tausaga e 2020, sei vagana ai le toa 12 sa faamauina ae ua maea ona toe togafiti ma manuia.
O feusuaiga le talafeagai tulou, ua faamauina i suesuega a alii ma tamaitai fomai e afua ai lenei faamai, ma e tele le avanoa e mafai ona pipisi atu ai i le isi pea umi ona aafia lena tagata ae leo faia iai se togafiti.
E le afaina le fusi, talanoa felata’ai, ma le fefaasoaia o meaai taumafa, sei vagana ua faia ni feusuaiga ma le isi tagata e leo aafia.
O le fautuaga mai le Matagaluega o le soifua maloloina mo Samoa lava ia, ina ia galulue faatasi ma utagia atu fautuaga mai le Matagaluega.
