I le tumutumu o le sisigafu’a ile tatou atunuu, ae ua lipotia mai e le Matagaluega o le Soifua maloloina, le oo atu ile 50 tagata na test, faamauina le pisia i siama Koviti i Samoa i totonu o le fitu aso.
O le numera lea e na’o tagata o loo mafai ona maua ma lesitala mai le Aso 28 o Aokuso e agai atu i le Aso 04 o Setema, 2022.
Ma ua si’itia ai le aofa’i o e ua a’afia (community & border) i le fa’ama’i i le 15,889. Mai i lenei fuainumera, e 15,710 i latou mai i le lautele o le atunu’u (community transmission) ua ua pesia.
Ae 179 o lena aofa’i oi latou na faimalaga mai i totonu o Samoa ua a’afia i le fa’amai talu mai le masina o Novema 2020.
Ua fa’amauina mai e le Matagaluega o le Soifua Maloloina, e to’a 5 o lo’o fa’ataotolia mo le taimi nei i le Maota Gasegase i Moto’otua. O lenei lipoti o loo tu’ufa’atasia ma au’ili’ili ai fa’amaumauga o le fa’amai mai lava i le aso 17 o Mati, 2022 ina ua fa’amaonia ai le pepesi atu ai i tua ile mamalu lautele o le atunu’u.
Ua fa’amauina fo’i fa’amaumauga mo tui puipui ua mae’a fa’atinoina mo le atunuu.
