E lima afe tala se tinoitupe lea na fesoasoani iai le company a le Digicel Pacific ma le aumalaga maualuga mai le Telstra International lea sa latou asia le fanau lea o loo I le toomaga mo e puapuagatia ile faaiuga o le masina ua mavae atu e toe fa’amauina ai le ta’ita’i o le Kamupani e lagolago i tagata lautele ma fuafuaga ma le fa’amalosia o ē sao mai sauaga fa’atatau i itupa.
O lenei aumalaga lea sa Ta’ita’ia e Roary Stasko, ole Ofisa Sili o Pulega a le Telstra International, fa’atasi ai ma Ofisa Sili o Pulega a le Pasefika, sui o le Digicel Regional Board ma le aufaigaluega i le lotoifale, le asiasiga e fa’amoemoe e fa’amalosia le faigapa’aga a le SVSG ma le Digicel Samoa ua leva ona iai a’o su’esu’e avanoa mo le toe galulue faatasi ai.
I le taimi o le asiasiga, na faʻamalosia ai e taʻitaʻi o le Kamupani le fanau ina ia tulaʻi mai o latou tulaga ma ia avea ma taitai i le lumanai. Na auai le au asiasi i pese ma siva ma tamaiti, ma mulimuli ane tauaao ina se foa’i tau tupe e $5,000, meaalofa o meataalo, tusi, mea e mana’omia mo pepe ma tamaiti o vaitausaga uma.
Faaalia e le Peresetene o le SVSG Siliniu Lina Chang lona agaga faafetai tele i lea vaega ona ua leva ona faagasolo
Mafutaga ma faamoemoega a le toomaga.
Na ia faʻafetaia foi le Telstra International, sui o le Komiti Faʻaitulagi, Pulega, faapea ai ma le Aufaigaluega a le Digicel mo la outou lagolago faifaipea e ala lea I Laina Fesoasoani, isi vaega o auaunaga lagolago a le SVSG mo tamaiti o lo’o i lalo o la latou tausiga. O meaalofa ma foa’i tau tupe na saunia lea o lea fesoasoani tele ile tommaga mo e puapuagatia i le tu’uina atu o mea tau a’oa’oga mafaaleleia atili le soifua manuia o fanau.
