O se faamoemoe sa fau ao fau po ao lenei ua mafai ona faataunuuina.
Ua faaalia le agaga fiafia ole afioaga o Vaigaga ile mafai kea ona tatala aloaia ile faaiuga ole vaiaso ua mavae atu le faleaoga fou a le afioaga lea na tala ae toe fausia ile fausaga fou aua alo ma fanau a le afioaga.
E 6.5 miliona tala le faatupega atoa o lenei faleaoga tulaga lua.
Na faaalia ise pepa o faamatalaga ole fausiaina o lenei faleaoga na faatupeina uma e le faletupe a le lalolagi, poo le World Bank ma ose taimi muamua foi lenei ua fausia ai e le faletupe ole lalolagi faleaoga a le atunuu.
E lei faatamala le afioaga ile faaaogaina o lea meaalofa e ala lea ile tele o potu aoga na fausiaina mo fanau aoga ae le gata i lea ole faatotoga uma o vaega eseese uma o lenei foi aoga ma le galuega ina ia mafai lea o maua e alo ma fanau aoga oloo aooga i lenei aoga tulaga lua se faleaoga saogalemu, maloloina ma le lelei.
E ono masina lea na fausiaina ai lenei faleaoga lea na amata mai ile faaiuga ole tausaga ua mavae atu ae faamaeaina ile masina o Iuni ole tausaga nei.
Ile saunoaga a le afioga ile Minisita ole Matagaluega o Punaoa Faalenatura ma le Siosiomaga e ala ile latou asiasiga na agai mai ile faleaoga tulaga lua o Vaigaga lea na afua ai ona tala le faleaoga.
Ae ile saunoaga a le afioga ile Minisita ole Matagaluega o Aoga ma Aganuu lea na ia faailoa ai.
Na momoli le agaga faafetai a le Komiti ole aoga ia i latou uma lava lea na mafai ona pulupulu lima faatasi e ala ile fesoasoani ma le fausiaina o lenei faleaoga, aua aoaoga o alo ma fanau oloo fai ifo ile lumanai.
