O loo fia iloa tonu e le tina ia Telesia Valavala Seumanutafa, le mafuaaga o le maliu faafuasei o lona to’alua, Valavala Sasa 37 tausaga ile po Aso Toonai 28 Iulai 2023.
O lana tala ua faia iai suesuega leoleo, ina ua latou feiloa’i anapo ile falemai.
Ae o lona to’alua na usu lava i le taeao ole Aso Toonai, e faigaluega, i le loli la’u lapisi a le Jaffa Santitation i Motootua. Peita’i pau lea ose afiafi ua tuai atu ai lona to’alua i le fale, ae te’i ile valaau atu o lona tauaiga, ile vaveao tusa o le tasi, laa o ane e piki atu ia e o ile falema’i.
Sa leai sona manatu ose tulaga faapea ua o’o iai lona aiga, ina taunuu atu, o taatia mai Vala ile falemaliu ole falemai i Motootua, ole tala a leoleo ole fafine na logoina leoleo ma o ane ai avatu lona tolaua i le falemai.
Sei faatali le suesuega a leoleo, ae o lana vaai, e foliga na fasi e seisi lona to’alua. Ae o to manatuga lea o le tina ia Telesia ile faatalanoaga ma le Radio Polynesia ile aoauli o le Aso Sa.
