Ua iai nei i le $789.6miliona tupe teu faaagaga faalevaomalo a Samoa, pei ona faailoa mai e lona faletupe tutotonu.
Ae ua faamauina foi e le Faletupe tutotonu o Samoa Central Bank, lana polofiti poo le tupe mama, e $4.0miliona mo le tausaga faaletupe 2021.
O le lipoti talu ai nei o loo i luga fesootaiga televave a le faletupe, o atagia aafiaga o galuega faatino a le faletupe, pei o le fesuiaiga o tupe, o atinae ma maulalo o le tupe tului faalevaomalo, ae o le siosiomaga o ana alagatupe na aafia uma ai lava.
Peita’i na mafai ona faamauina e le faletupe lana polofiti e $4miliona tala, i le 2020/2021 faatusa i le polofiti $3.8 miliona i le tausaga i luma atu.
O ta’ua i le lipoti a le Central Bank, ile tausaga faaletupe na pau atu ia Iuni 2021, na tusa o le -8.1 pasene o le tamaoaiga na aafia ina ua tapunia sootaga ma feoaiga.
E aofia ai ma le 12 masina muamua o le koviti 19, ma oo atu ai i le $207.6 miliona tala le tupe leiloloa, ma oo atu ai i le $1.87biliona o le tamaoaiga o le atunuu e oo atu ia Mati o le 2021.
O le leai oni tulisi e malaga mai o lesi foi lena sao i le pa’u o tupe maua ile silia i le tauasaga i le $1.77biliona i le tausaga faaletupe FY2013/2014.
