Ua amata autilo fale faigaluega i Ausetalia, e me’i ese mai le sailia o tagata faigaluega i lalo o le visa 403 i galuega faavaitaimi.
O galuega faavaitaimi pei ona maua ai fesoasoani e au tovaa atu ai fanau a Samoa i Ausetalia, ua faailoa manino e nisi o fale faigaluega i Ausetalia, o loo faa faigaluega ina le toatele o fanau a Samoa malaga atu i galuega faavaitaimi, le amatalia ai ona latou tilotilo e oosi ese le faaogaina o le visa 403, e sailia ai mai Samoa ma le Pasefika tagata faigaluega atu i galuega faavaitaimi, ae faaogaina se tasi o visa fou, a le ofisa o femalagaina a Ausetalia, ua uma ona pasia faa tulafonoina, e mafai ai e fale faigaluega, ua resitara i lalo o lea polokalama fou o visa faigaluega i Ausetalia, ona latou sailia, latou lava tagata faigaluega, mai soo se atunuu o le lalolagi o loo i le li’o o atunuu faatagaina i lea visa faigaluega fou, ua i ai agavaa, pasia le amio pule lelei (pass character), ausia le siaki a falema’i (pass medical checks) ausia a’iaiga masani (conditions) o taiala o visa faigaluega i lalo o le fuainumera 482, e mafai ai e se fale faigaluega ua faatagina e le ofisa malaga a Ausetalia, ona latou lagolagoina (standard business sponsor) lea talosaga.
O nisi o mafuaga ua aga’i ai fale faigaluega a Ausetalia e faaoga lea visa, ona o le lē mafai,
1 ona toe faapopo o visa, a nisi o fanau na malaga atu i lalo o galuega faa vaitaimi, ua i ai le poto masani e faatino ai le galuega, ma o loo mananao lava le fale faigaluega e faaauau konekarate, peitai, ua faamuta atu e le atunuu na malaga atu ai.
2 O le tulaga i le aafia ai o tausinioga faatãpulaa i le aso, (daily targets), e tusa ma manaoga o le au faatau,
3 o le oia o fua faatatau o galuega faataatitia, (risks measures vrs strategies),
4 sioki o tagata faigaluega,
5 aafia fua faatatau o ni tupe maua faa le tausaga na fuafuaina e tatau ona toe maua (return on investments year on year),
6 le gau ai o le fale faigaluega, ona o le tēle o tupe ua faaalu i piriota faamauina,
7 le lē mafai ona taofiofia o fualaau a’ina, pe a vave pula ma leaga, ona o suiga o le tau
8 tuai o le gaosia o aano o manu fasi ma le tele o isi oloa, i le vave tuuina atu ai i luga o fata faatau, mo le fofoga taumafa o le lautele, o nisi ia o aafiaga ogaoga, na matua’i finauina e le au fai faatoaga, fai pisinisi ma fale faigaluega tetele i Ausetalia, na afua ai ona talia e le Malo o Ausetalia, le tele o faaseã e aofia ai fale tunu ti (Cafes), kalapu (clubs) ma nisi, ua mafua ai le ave o le faamuamua a fale faigaluega i le visa 482.
O lea visa e tatala ai le avanoa i fale faigaluega i Ausetalia, e agavaa ai i le vave avatuina i totonu i Ausetalia, o tagata faigaluega e faatino a latou galuega, ina ia foai ai le faa fitauli i le leai o ni tagata faigaluega, ina ia faaauau ona tali ai manaoga o tagata faatau, a o tupe maua ma polofiti i faatauvaga ma tausinioga faa pisinisi.
O lea suiga, e ono i ai se popolega i le aafia malaga, o lo ofi atu ai alo ma fanau Samoa i galuega faavaitaimi i Ausetalia, a o se mataupu, e tatau i atu motu o le pasefita e aofia ai ma Samoa, ona toe iloiloina ni faiga feagaiga o loo i ai ma le malo o Ausetalia, ina ia ‘aua nei vave vasea mai le peni, a le tele o nei fale faigaluega ia Samoa ma le pasefika, e ala i galuega faavaitaimi, ae aga’ iga’i i nisi o atunuu o le lalolagi o loo maualuga lo latou faitauaofai (high population), ma toatele tagata o loo i ai agavaa, ma poto masani i galuega, e pei o Initia ma Saina, e aumai ai latou tagata faigaluega.
