E faalauiloa lava ma tupu, e ta’u lava ma faatino loa, le tele o galuega atina’e a le Matagaluega Faatoaga ma Faigafaiva.
Pei ona folafola e lona Minisita le aumai o mailei o meaituaolo poo puaa tulou e fesoasoani ile atinaeina o faatoaga i Upolu ma Savaii.
Ole Aso Lulu o le vaiaso nei , ua faamautinoa , le tufa ai o malei pei ona ta’ua ile faamatalaga faalauaitele mai.
Ole tufaga ga mailei e mo itumalo ua atofa pe ua oo atu foi iai le faasologa,
Ma feiloai ai ona sui ile ofisa o Suesuega faasaienitisi Nafanua ile iva ile taeao.
Ma saunoa faapitoa ai le afioga ile Minisita , Laaulialemalietoa Leuatea Polataivao Fossie Schmdit, ile taua o le tuuititia o manu faalafua i le atinaeina o faatoaga.
E le gata o Upolu ae o Savaii, lea na ulua’i tatao ai mailei ma molimauina lona sao ile faatupulaia ma le faatumauina o taumafa maua I Samoa.
Tatou molimauina ole faafitauli foi lea o loo feagai ai ma Samoa I Sasa’e o le faaleaga o maumaga e meaituaolo.
Peita’i i Savaii, lava ia, e le na’o meaituaolo o loo taavao, ua tele le manupapalagi, e aofia ai povi ma solofanua, i talaloa mamao, aga’i ile Tuasivi, pei ona moliaumauina.
Ae ua amata atu i fanua galue lata mai i tai, le tataoga mailei, ma faasolo atu ai lava tau ga galuega mo faatoaga ma atina’e o talo, taamu, fai, ma manioka, talo palagi, ulu, fualaau aina eseese ma faatoaga o fualaau fai sua ma taumafa mata.
O faatoaga na e faigata ona faaauau, fanua galue poo talaloa talu e faatamaia e puaa aivao, lea ua maua lona togafiti.
Nai lo le sisi taitasi e mailei maea poo le tuasivi ole launiu, ua faaaoga le mailei ole neti e tatau pei se ta’inamu, sisi I luga, ae fafaga ai puaa I lalo e faafagaga pua’a mo le faitau vaiaso o faamasni iai meaola, ma faasolo atu ai lava ina masani ma tele loa faapa’u ifo iai le mailei lea ma pu’e uma ai se lafu i totonu.