“Ua tofutofusia si leoleo masi ana mealofa o le taga araisa, pusa saimigi, ma le afifi o mea e mana’omia pe’a aafia i le koviti.”
Na talanoa mai ai le afioga i le Sui Komesina o leoleo, Auapaau Logoitino Filipo, i le “agaga o le faafetai ma le faageetia ile amanaia o le tautua a leoleo, e le Susuga a Su’a ma le latou vaega.”
E oo mai nei o loo nofo tasi lava leoleo, mo le faaauauina o le galuega puipui , ile faatitia ole pepesi o le faama’i.
Mai le silia i le 800, e matua fiu e tofu le tagata ma lana faaoso ile fale, e aofia ai ma leoleo o le Pulega o Fuimu ma Faalavelave faafuasei.
E oo lava i leoleo i ofisa o leoleo i tua , i Upolu nei ma Savaii, o leoleo o falepuipui e tofu uma lava le tagata ma lana mealofa mai le ADRA.
Ma saga “faafetai ia Su’a ma le latou vaega o le ADRA, ma le amanaia ole auaunaga a le matagaleuga i lenei vaitau o sa ma vavao o le koviti.”
