E $400,000.00 le faatupega ole fesoasoani a le malo o Iapani ile famae’aina lea ole fausiaina ole faleaoga a le aoga a le afioaga o Samatau.
O le agaga fiafia ile afioaga o Samatau le faia lea ose sainigalima ma le malo o Iapani e ala lea ile fesoasoani atu ma le tali atu ai ole malo o Iapani ile talosaga a le afioaga mo se fesoasoani ile tau famae’aina ole fausiaina ai ole faleaoga a Samatau lea ua leva ona fausia aua alo ma fanau o Samoa.
E le na ole pau ai lenei ose fesoasoani a le malo o Iapani i Samoa nei, ao lenei fesoasoani oloo taula’i lava ile fausiaina o faleaoga ae le gata i lea ole faaleleia o a’oa’oga a le fanau.
O lenei poloketi e aofia ai le toe fausia ose fale fogafale tasi e aofia ai potuaoga e valu, faletusi, potu faigaluega ma le ofisa ole puleaoga. Ina ia mafai ona saogalemu ma talafeagai le siosiomaga faalea’oa’oga.
Ole faamoemoe o lenei poloketi e faaleleia atili le tulaga lelei o auaunaga faavae i totonu ole afioaga o Samatau.
Oloo tulimata’i e le malo o Iapani ia manuia ole faatinoga o ia galuega. Ole naunautaiga ia tumau pea le naunau o Iapani e galulue vavalalata ma paaga ile lotoifale e faalauiloa atinae gafataulimaina.
Ole masina o Oketopa agai atu ile masina o Novema lea ua fuafua e famae’aina ai le fausiaina ma tatala aloaia ai loa lenei atina’e taua.
