O loo faaauau pea o a faamauina e le Matagaluega ole Soifua Maloloina ( MOH ) le fuainumera o i latou oloo aafia pea ile fa’ama’i ole Fiva Ponaivi poo le Dengue Fever.
Ma i se pepa o faamatalaga mai le Matagaluega ole Soifua Maloloina oloo faamauina ai le faaitiitia ole numera o i latou lea e aafia ile fa’ama’i ole Fiva Ponaivi.
Mo le nofo silafia ai e le mamalu ole atunuu, ole Aso 29 ole masina ua mavae atu agai atu ile Aso 4 ole masina nei, ua oo atu ile 454 o i latou ua pesia i lenei fa’ama’i, ma na faamauina e to’afa i latou na faia iai suesuega ma faamauina ai le aafia ile Fiva Ponaivi mai le lua vaiaso ua mavae.
Ole fanau laiti e i lalo ifo ole 10 tausaga faapea ai ma tinā ma tamā matutua oloo faamaonia le aafia tele i lenei fa’ama’i.
E leo iai se isi ua faamaonia le maliu ai i lenei fa’ama’i, pau le vaega oloo faailoa mai e le Matagaluega o fautuaga ile pauipuiga mai ile aafia ai lenei fa’ama’i.
