5 Tesema 29024 E 300,000 tala se tinoitupe ua Aumai ai se tagi a le Faatonu Sili o le Soifua Maloloina, Aiono Dr. Alec Ekeroma faasaga ile Samoa National Provident Fund (SNPF) ma le nusipepa a le Samoa Observer mo le faailoaina o faamatalaga faalilolilo a tagata faatau.
Na taumafai a tatou talafou mo se tatou faatalatalanoaga, peitai na faailia e le aufaigaluega o loo auai atu le afioga ile faatonu sili ole Soifua maloloina I lana fonotaga.
Na faailia e le faatonu sili I le la faatalatalanoaga ma le Talamua media na ia faalia ai o lona masalo na talosagaina e se sui o le Komiti o Tupe a le Palemene ni faamatalaga mai le SNPF e ala atu i le komiti ma e le i noatia i le tulafono pe saisaitia foi e le faipule le tuuina atu o ia faamatalaga,” o le saunoaga lea a Aiono.
Ma o lona talitonuga fou o se tasi lava o sui mai le Komiti a le Palemene na tuu ina nei faamaumauga\faamatalaga i le Samoa Observer ona o “mafuaaga nei 1, faapolokiki ma le lona 2 ole loto leaga”.
O le falema’i soifua maloloina a Aiono o se tasi lea o pisinisi e ono na fa’atagaina nonogatupe tetele mai le SNPF lea na maua ai faitioga a le lautele ina ua fa’asalalau nei fa’amatalaga I luga i le nusipepa.
