9 Ianuari 2025, Samoa: E malama ane le taeao o le aso, Aso Tofi, 9 Ianuari 2024 o loo tumau lava lepa vai i vaega o le taulaga pei o Fugalei ma Saleufi.
Talu tulaga louloua ole tau o loo lapataia ai pea Samoa i lenei vaiaso,
Ma tuuina mai ai e le Ofisa vaai tau i Mulinuu lapataiga faaauau:
FA’AMĀLOSIA: LAPATA’IGA O TIMUGA MAMĀFA
FA’AMĀLOSIA: LAPATA’IGA O LŌLŌGA
FA’AMĀLOSIA: LAPATA’IGA MO ‘OGĀSAMI
FA’AMĀLOSIA: LAPATA’IGA O SAVILI MALOLOSI
O uīga susū ma savili malolosi o lo’o a’afia ai pea Samoa e āfua mai i se vāega fa’atupula’ia o fetaia’iga o savili ma timuga o lo’o i luga o le atunu’u.
O timuga mamafa fa’apea savili e malolosi ma fa’ata’uta’u i ni isi o taimi, e sili atu ma le 55 kilomita i le itula sa fa’amauina mai i ni isi o vaega o Samoa i le aoauli analeilā.
Ona o tulaga i le fa’atupula’ia ai o le malolosi o savili, ua alagātatau ai le fa’amalosia o Lapata’iga o savili malolosi mo vāega uma.
O fa’amaumauga fo’i o le maualuluga o galu o lo’o i luga o le 3 mita i ‘ogāsami o le atunu’u.
O nei uīga loulouā o le tau e fa’amoemoe e ono a’afia ai pea Samoa se’ia o’o atu i le Aso To’ona’i o muamua.
A’afiaga e ono ālia’e mai:
E timuga ma e mamāfa i nisi o taimi, e malolosi ma fa’ata’uta’u savili i ni isi o taimi, e puaoa ma māse’ese’e auala i nofoaga maualulūga, ma e lolovaia nofoaga i tafatafāala. E ono iai ele’ele solo fa’apea lōlōga i vaitafe ma nofoaga e a’afia gōfie. E matuā sousou ma tatāfe āu o le sami ma e puaoa ma fa’ata’uta’u savili i timuga.
E fautuaina le mamalu o le lautele ina ia fa’aaogāina le laina 20855
