Ona o le faaopopoina pea o soligatulafono i luga o fesootaiga televave, ua oo mai i Samoa, ma lipotia atu i le Ofisa o leoleo, ua tonu ai se manatu e faatu se Vaega faapitoa e faia suesuega mo ia foi ituaiga o soligatulafono.
Ma e ao ai lava ona faia le aoaoga faapitoa o ofisa o le’a galulue ai i lea vaega, ia toe siitia lo latou silafia i le faia o suesuega i soligatulafono o loo tupu i luga o fesootaiga televave.
O maitaina o Platforms eseese lava lea oloo tu’i mai e tagata i fafo, pei ona molimauina i luga o le Whatsapp, o loo sao mai ai feau tusitusia a tagata o fagogota ai i luga fesootaiga televave.
O le faamatalaga mai leoleo, ua latou galulue ai male Susuga Feterika Enoka , o iai le poto faapitoa mai le Ofisa leoleo a Niusila, ma le ofisa o le failautusi a Taitai leoleo o le Pasefika.
O le’a galue valalata ai Enoka ma le ICT Unit a le Oifsa leoleo a Samoa, ile faiga o aoaoga faapitoa nei mo le suesueina o soligatulafono o loo faatino i luga o fesootaiga televave.
O Enoka o ia foi ei le vaega o le Polokalame leoleo feterale a Ausetalia, ma e iai lona tomai faapitoa i suesuega e faia i luga o fesootaiga televave, Digital Forensic, ICT ma Drones.
