O loo tau sailia pea i latou na malaga atu i le taavale o le ituaiga o le Vanguard lanu uliuli i le po o le Aso Toanai ma faapa se laau malosi i luma o le falesa o le Ekalesia Metotisi i Sinamoga ma faamanualia ai se alii 21 tausaga le matua o loo ile falemai i Motootua.
Na faailoa e nisi o le afioaga e tusa o le itula e 11 na tulai mai ai lenei faaletonu, na taunuu atu le taavale a le falemai ma faatino le galuega fesoasoani.
Ma molimau foi nisi o tupulaga o le afioaga e latou te le masani i tagata na o atu i lea taavale ma faatino le faalavelave o loo ta’ua i luga.
Ae o le talavou o loo aafia e 21 tausaga ma o lona vae sei tulou o loo afaina ile fana sa faapa tulou.
Peitai ua talosaga mai le Matagaluega o leoleo ma falepuipui i le mamalu o le atunuu ina ia fesoasoani atu e ala i faamatalaga e sootaga i le faalavelave o taua i luga.
