I le fono tele a le Pulega o Tulisi I Samoa ma ana paaga, faletalimalo , ma le au fai oloa ae o pisinisi tulisi po o tagata tafafao mai, lea na usuia ai ile Tanoa I le aso, pei ona saunoa le afioga ile tamaitai Ofisa sili, Pativaine Petaia Tevita, i le mafuaaga o lenei mafutaga ma lona ta’ua, ae o fafitauli o loo mata’itu ai nei, mo le agai i luma o lea foi alagatupe mo le tamaoaiga o Samoa
“Ose avanoa lelei lea e omai faatasi uma ai le matou atina’e, e feiloa’i ma talanoa e faasoa ni issues o lae matou te faafeagai ile taimi lenei. Aemaise lava I le taimi faatoa uma atu le faamai o le Koviti.
E le’i ‘alo lava le talanoa a le tamaitai pule i tulaga faaletonu o loo iai faletalimalo ile taimi nei a Samoa, ma faafitauli pei o faletalimalo latou te le’o mafai ona faamalieina tulaga agavaa e latou te taliina ai ni malo pei o tagata Samoa ma tulisi tafafao mai
“E iai lava faletalimalo o loo tatala ile taimi lenei, ae lei oo lava le tulaga e talia ai e tagata tafafao mai. E lei oo foi nisi ile tulaga e tatau ona iai, Sa iai ile taimi, ae le’i oo mai le faama’i.
Ua alia’e foi mai le faatasiga lea a le au faletalimalo, lesi mafuaaga o le faatuai ona maua fesoasoani atu a le malo, pei ona saunoa ai lona Ofisa Sili, o loo taofiofia laisene pisinisi ase vaega ona o aiaiga a le Ofisa o Tupe maua e tatau ona faamalie
“Tele o pisinisi o loo taofiofia le maua o latou laisene Pisinisi , ona o loo iai foi nisi o requirements. E iai foi mea e mana’omia mai e le Ofisa o Tupe maua, o loo taotaomia ai le vave maua o lea tulaga.
E le na’o faleoloa, faleaiga, ma galuega a le malo ua aafia ile utiuti o tagata agavaa ma tagata faigaluega, talu le tuli e o tatou tagata o le tupe vave ma totogi lelei e maua i galuega faavaitaimi i atunuu ua mautu atinae’e pei o Niusila ma Ausetalia.
Ae ua molimauina foi e le Ofisa Sili o le Pulega o Tulisi, o lesi foi lena aafiaga ua iai nei ile latou auaunaga, o le migi atu o tagata faigaluega i galuega faavaitaimi.
“ O le tele o tagata sa faigaluega I totonu o le atina’e ua o atu i isi galuega i atunuu mamao amaise lava I atunuu o loo faatino ai le scheme lea (Niusila ma Ausetalia).
Pei ona saunoa le tamaitai pule ole Tulisi, Pativaine Petaia Tevita.
