E $500,000. le tagi faasaga i le faamasinoga o Fanua ma Suafa a Samoa i Mulinuu, sa tuu e valaau ai ilea so 28 Mati, 2022, Aso Gafua o le vaiaso nei, lea ua leiloa ai nei se aso e fofogaina ai, talu tapu o le koviti.
Ole mataupu lea na tuu e valaau i luma o le faamasinoga maualuga,
O loo talosaga ai le Susuga Moananu Fanolua o Fuailoloo Mulifanua, ile faamasinoaga mose poloaiga e taofi ai le faatinoga ole faaiuga a le Faamasinoga toe Iloilo, a Fanua ma Suafa, sa faia i le aso 3 o Mati 2017, poo le lima tausaga talu ai.
E faatula’i ese Monanu ma lona aiga ma tala ese fale i luga o le fanua o Fogalefue i Fuailoloo. Ona o le fanua e pulea e Taimalaleagi Naotala ma lo latou aiga Sa Tupuivao.
O loo faasaga le tagi a Moananu ma lana Loia i le faamasinoga o fanua ma Suafa , e ana le faaiuga ma le poloaiga, ma o loo latou talosagaina ai le poloaiga, ele gata ina ia faatatia ese lea faaiuga ae ia faia foi se faaiuga e totogi atu ai e le faamasinoga o fanua ma suafa, se taui tupe 500afe mo Moananu ma lana itu ma le totogi o le tau o le faamasinoga.
Peita’i, ua faaulu atu foi le tagi a Taimalalelagi Naotala, faasaga ia Moananu, ia faatumau ai pea le tulai ese ma tala ese fale ma Fogalefue, ae ia faia foi se poloaiga, e totogi ai e Moananu ma lana itu, e 600afe, ma le tau o le faamasioga mo Taimalaleagi
O le tamaitai loia ia Susuga Leota Tima Leavai o loo tula’i mo Moananu, ae o le Loia Sili a le malo oloo tula’i e puipui le mamalu o le faamasinoga
Ae o le alii loia, Susuga Tufuga Fagaloa o tula’i mo Taimalelagi.
I faamaumauga o le mataupu lava lenei mai tausaga ua tuanai, ua faalua ona molia Moananu, i lona le usitaia o le faamasinoga.
Ole faamasinoga lea na tuu e valaau i le aso 28 o Mati, peita’i o loo tapunia faamasinoga ona o tapu ole koviti, ua le mautinoa ai se taimi e valaau ai, i le uma ane o tapu ole koviti.
