E lata i le 100 tamaiti o loo tausi i totonu ole, Toomaga mo e Puapuagatia, poo le Campus of Hope i Tuana’imato a le SVSG, na maua avanoa e vaai fua ai e le vasega o fomai Saina, ile Aso Lulu o le vaiaso nei.
O le vasega lea o alii fomai, ua savali ile fa masina talu ona galulue ile falema’i tele i Motootua, i ona vaega esese. O fomai ia e toafitu e iai poto faapitoa e fesoasoani ai i gasegase ile tatou atunuu.
Pei o le foma’i o mata taliga ma le isu, fomai faapitoa mo tina, foma’i mo le ICU intensive care unit, ma’i tigaina, foma’i ole ponaivi, foma’i tipitipi, ma isi.
Peita’i ole faatauaina o le soifua maloloina o le silia i le 70 tamaiti oi lalo ole tausaga a le Toomaga, aemaise o le puipuia mai tapu o le koviti, na faatino ai suesuega fale soifua maloloina i le lotoa Campus of Hope Tuana’imato.
Ma uma ane, o loo soifua maloloina uma lava fanau i totonu o le lotoa, ile uma ane ona siaki o latou vital signs poo foliga vaaia, e aofia a le manava ma le tata o le fatu.
O le maua o le avanoa ole vasega o foma’i Mai Saina e pa’u faatasi atu e vaai tamaiti ile lotoa a le toomaga, na faafetaia ai e le pulega, ma le Peresetene, Siliniu Lina Chang lea foi faamanuiaga, ua maua ai le siaki o tamaiti.
