Afio le Ao mamalu o le malo o Samoa ile fa’anofotupu ole Tupu o Peretania tele

SHARE NOW

O le Afioga ile Ao mamalu ole Malo Tutoatasi o Samoa, Afioga ia Tuimalealiifano Vaaletoa Sualauvi II ma le Masiofo Faamausili Leinafo, Ua fai ma sui o Samoa, ile sauniga faapitoa ole faatutoga ole Tupu o Peretania tele Salesa lll ma le Masiofo Kuini Camilla i Peretania ile aso 6 o Me 2023 i Westminster Abbey.

O le aso 8 o Setema 2022 lea na agavaa ai le Perenise I le nofoalii ina ua tuua le malo e lona tina, Kuini Elisapeta.

Saunoa le taitai o le Malo, afioga a le Palemia, Fiame Naomi Mataafa, o le au Malaga e taitai e lana afioga ile Ao ole malo, e aofia ai ma a Samoa afioga Francella Strickland, ma Fatumanava Dr Pa’o Luteru.

O le Ao ole malo o Samoa, e saunoa faapitoa e fai ma sui o atumotu laiti o avea ma sui o Malo ole taupulega, mole sauniga o le faauuga ole Tupu.

Ma ua avea ai foi le Tupu o Salesa lll ma faaulu o malo ole Taupulega, o lana fonotaga muamua foi lea ole a faia mai i Samoa ile tausaga fou.