Agai le Toomaga saili seleni mai i lulu

SHARE NOW

Na amata mai i le faatauga cup cakes ae olea ua oo i pepa lulu, le aisiga ale Samoa Victim Support Group (SVSG), mo ni tupe e faaauaua ai ona faataunuu le latou galuega ole tausiga o fanau ma aiga o loo aafia i sauaga eseese ole olaga nei.

I le faamatalaga faalauaitele mai le SVSG poo le Toomaga, na sologa manuia le latou pepa lulu sa faatau ile fale o le NPF Plaza i le taulaga ile Aso Toona talu ai.

 Ae o loo tulituli se tasi miliona tala pei ona folafola ile amataga ole faamoemoe lenei.

Ole Aso Toonai nei ua atofa o le aso tele , o le sailiga tupe on line, ile Maota Samoa o Tulisi Apia, e feiloai ai aiga ma fanau i fiafiaga e fai. 

O loo taulamua ai sui o nuu ma le au voluteer e tapena lena vaega o le sailiga seleni. 

Peitai o le faamatalaga faalauaitele mai le Toomaga, o ta’ua ai, e ui o loo maua mai tupe mai faalapotopotoga i fafo e fesoasoani ile auaunaga, ae ole faia pea o nei sailiga, ina ia iai le agaga o le galulue faatasi ma tagata ole tatou atunuu . 

O lenei sailiga seleni i luga o fesootaiga televave, ole kemupeni e faailoa atu ai mataupu ogaoga e sootaga i sauaga i Samoa , ia maua ni fesoasoani mo aiga o loo aafia. 

O le lulu lea faatoa sei ile aso Toonai, 29 Iuli i le falesamoa tulisi.

Ma faafetai atu ai le pulega o lau foai, lua tala pe sili atu, ae ua fai lou sao, ile taua o le auaunaga.