O le 8 ai nei o containers o loo auina mai ai nofoa faatavale poo wheelchairs faapea ai ma tootoo a le matagaluega o le soifua maloloina ua mafai ona agalelei iai ma faamealofaina e se tasi o ekalesia Iesu Keriso ole Au Paia o Aso e Gata ai ile aso ananafi.
Ua faamealoina e lenei ekalesia nei tootoo faapea ai ma nofoa faatavavale talu mai la faiga paaga ua leva ma le matagaluega o le soifua maloloina I le tausaga e 2014 seia oo mai i le tausaga nei.
O le afioga I le minisita o le soifua maloloina le afioga ia Levalasi Luapitofanua To’ogamaga Tafito Selesele lea na momoliina le agaga faafetai I le ekalesia ona o le latou faiga paaga faifaipea ma le matagaluega e ala lea I nei meaalofa ua agalelei mai ai.
Ma ua faamauina ai ua ova i le 2700 nofoa faataavale ae silia ma le 800 tootoo I lona faitauga aofai ua mafai ona foaina mai ele ekalesia, ma ua faamatu’u atu i le matagaluega ole Soifua Maloloina I tagata nuu o Samoa o loo mana’omia lenei fesoasoani.
