O lagona faatina ma lagona ole fai fanau, ma le tausi aiga, lea na molimauina i loimata maligi o le asiasiga faapitoa a tina ma tamaitai leoleo, i fanau o vaaia aloaia i totonu o le lotoa a le SVSG, Samoa Victim Support Goup, le Campus of Hope i Tuana’imato.
O le fa aso talu ai, na faamanatu faapitoa ai ele Tina ma tamaitai uma ole Matagaluega o leoleo ma falepuipui, le Aso o Tina ile Samoa ma le lalolagi, e ala ile avatu o le latou faataua i fanau a tina , o Samoa, ua tausi esea ona o sauaga i totonu o aiga.
I le faamatalaga faalauaitele mai le SVSG, na taitai atu le asiga a tamamitai leoleo, e le Susuga a Vaaufiao Mamaia, ma le sui Komesina, Papalii Monalisa Tia’i Keti ma tina ole Samoa Police Women Advisry Network, SPWAN.
O tulaga molimauina lava lea i tagata e asia lea lotoa, o loimata ole alofa ma le loto nutimomoia, pe’a tepa ile mafuaaga o le tausi faapitoa ai o fanau ia mai le pepe ile 18 tusaga .
Na latou tauaao mealofa e aofia ai taumafa eseese a auauai, mai fua o latou faaeleelega.
Ma fafetaia ai le avanoa, ua latou maua se Aso mo Tamaitai faalevaomalo, e manatua pea.
Mai lava ile Matagaluega o leoleo ma le latou amanaia ole International Womens Day, Aso faalevaomalo mo tamaitai, lea foi na aapa atu ai le Vaega o leoleo tamaitai, ile aoga a le APTC, o matata eseese, ma le faiga filifiliga ile galuega e galue ai, le tamaitai.
O galuega sa na’o alii, pei o le palama, fai uila, fau fale, leoleo, ua filogia uma lava e tamaitai, ma faamalosiau ai le saunoaga a le Sui Komesina leoleo tamamitai muamua, Papalii Monalisa
Na molimauina foi le faataua a leoleo ma pulega o fuimu, ma isi ofisa na ave ile sauniga sisi ole fu’a i lena taeao , o le aso Faraile talu ai, e amanaia ai le TAmaitai o Samoa mal e latou aso faavaomalo.
