E iai le tina sa faalauiloa e le Samoa Victim Support Group, SVSG, Toomaga mo e puapuagatia ona manu’aga ogaoga mai sauaga a le tagata e masani lelei ai.
Tusa o le iva tausaga talu ai, 2015, na tupu ai lena sauaga.
Ma na faataga e le tina lea i lena taimi le faalauiloa o sauaga sa faia i lona tino.
E aofia le lavea o loo faalava i lona papa tua, ole mutu ese o lesi ona tamai lima, o le faalava ole manu’a i autafa o lona ulu o loo aafia ai lona taliga.
Taua e le faamatalaga faalauaitele a le Toomaga, SVSG, ole aso lava ma le sauaga e taunuu atu ile ofisa, ma taumafai ai e faia galuega fesoaosani.
Ae o le tina o ta’ua i luga, sa tausi latou fesoasoani e tausi atu iai ile falema’I, ma sa faia foi galuega fautua faapitoa mo ia.
O ta’ua e le Peretene o le Toomaga Siliniu Lina Chang i luga o le itulau a le SVSG ole 2015, o ata o loo faaali atu i luga, e ono aafia ai lagona o tagata, peita’i o foliga na o le mea moni lava o loo tupu i Samoa, o sauaga i totonu o aiga. Aemaise i tina.
Ma sa saili tupe ai latou e fesoasoani ile tausiga o le tina lea ile falemai.
Ole tina lea sa sauaina, ua maliu lona to’alua, ae toalua lana fanau.
O le alii lea na ia faia sauaga ma faamanu’lia ai le tino o le tina, o se paaaga na sola ese ai le tina lea peita’i na fetaui iai lea alii i le nofoaga faitele, ma faaoolima ai ile tina i luma o lana tama.
Ae o le toe fafagu mai ile taimi nei o lea sauaga ua lata i le 10 tausaga talu ai,
Ona e le’o iai se faaititia o sauaga ile tatou atunuu faasaga i tina ma fanau.
Ua maitauina le faamatuu atu e se faigamalo mo le taimi muamua, o tupe o lana paketi faaletausaga, e fesoasoani I galuega o faia e faalapotopotoga pei o le SVSG, ile taofia o sauaga i totonu o Aiga.
Peita’i, o auaunaga a le SVSG e taofia ai sauaga, e iai le polokalame o le Nofotane, e oo atu I le 9,000 tina o Samoa ua mafai ona faa’oa ma saoloto mai ai i Sauaga.
E ala ile faia o a latou lava pisinisi laiti, ma faaauau ai ona maua tupe e tausi ai fanau, faaaooga, ma tautua ai ekalesia ma nuu.
O le polokalame Nofotane lea a le Toomaga, ua avea ose tasi o alagaoa o loo maua mai ai tupe I atunuu mamao, e ala I oloa loo faatau atu i oka mai atunuu mamao, ae o oloa faaoso e malaga ma tagata mo mealofa.
Peitai o le sauaina o tina ma fanau ile atunuu, e manatu le pulega o le Toomaga,
Ua tali mai polokalame faa’oa a tina ole Nofotane, e faaea aiga lima vaivai, ose mafuaaga na tuua’ia ile sauaina o tina ma fanau i.
Peita’i o le faaauau ai pea ona sauaina o tina ma tamaitai ile atunuu, ua le afua mai le lima vaivai, lea sa tuuaia ai, pei ona faamauina e le SVSG.
“Ae ua maitauina, o le tele o mataupu tau i sauaga, o tina ua taunuu atu ile ofisa o le SVSG, e afua mai sauaga a tama poo a latou paaaga e sootaga ile maketiina o fualaau faasaina, o le ‘aisa.
Ma e mana’omia ai lava le galulue faatasi e tafiese fualaau faasaina ile atuuu, pei o aisa .
