Aisea na le aloaia ai le Miss Samoa ile Sisigafu’a a Brisbane?

SHARE NOW

Ua faitau vaiaso talu ona faaee atu le tofiga Miss Samoa ile tamaitai o Haylani Pearl Kuruppu o Ausetalia, na manumalo  ai ile tauvaga Miss Samoa ile masina talu ai o Setema i Samoa nei.

Peitai e o’o mai ile aso, e le’i momoli aloaia mai ile Ofisa o Tulisi mo le faatinoga o ona tiute.

Na tatou fesiligia le pulega ole tamaitai lalelei faapaleina, 2022-2023, i le mataupu lea o loo tupu mai Brisbane, sa lua ai Miss Samoa ile taimi o le fiafia. 

Peita’i ole tali tusitusia a le Afioga a Pulotu Canada Alofa, ole Aso 10 o Setema 2022 na faapaleina ai Haylani ma na aloaia mai ai lava i le taimi lena ona avea ma Miss Samoa 2022-2023.

O ta’ua e le susuga a Pulotu, na silafia lava e le pulega o le aso faamoemoe lea na faia i Brisbane, le alu atu a le Miss Samoa ile sauniga.

Ae o lesi Miss lea na iai, o le Miss Samoa Australia 2019,  ole tamaitai Brisbane.  O Brisbane lea na fai ai le Sisigafu’a a Samoa na molimauina, le afio atu iai o le tamaitai ua faapaleina nei ile tofiga Miss Samoa 2022-2023, ma toe ui ai i lalo lona pale.  

E le’o mautinoa mai pe ole sauniga faalauaitele muamua lea ua afio iai le Miss Samoa 2022 – 2023 talu ona pale.

Pau le tala mautino, o loo afio le Miss Samoa i Ausetalia e tapena mai, ma momoli aloaia mai ai loa i le pulega o le Tulisi, e galue ai i lona taimi o loo faapaleina ai, pei foi ona faia e isi tamaitai lalelei sa Pale mai ile tofiga ole Tausala. 

Ua faailoa mai e lona pulega i Ausetalia, Afioga a Pulotu ole Aso Lua o le vaiaso fou, 11 o Oketopa e malaga mai ai le afioga ile Miss Samoa e galue ai i Samoa.

Peita’i e manatu Pulotu ole Sisigafu’a na faatino i Brisbane e mo tagata Samoa uma, ma e leai se mafuaaga o le ‘a le mafai ai fua ona le auai iai le Miss Samoa aloaia a Samoa 2022, Haylani Pearl Kuruppu.

E ala i le fai iai, e aveese lona pale ae  sa avea ose malo faaaloalogia le tamaitai. Ole sauniga sa faia ole e aloaia aua sa iai foi ma sui o le malo atu i Samoa.

E lei maua se tatou fesootaiga ma le pulega ole Tapenaga ole Sisigafu’a lea na faia i Brisbane. Ua faamaonia mai, ole tamaitai lea na ave iai le faaaloalo i lena faamoemoe, ole Miss Samoa Australia 2019, o le tamaitai mai Brisbane ile Sisigafu’a a Samoa.