E le’o mautinoa i le taimi nei le mafuaaga na le tusi sa’o ai Faamasino ole faamaisnoga o Fanua ma Suafa i le latou Minisita, faatatau i manaoga faaleleia ole matagaluega o Faamasinoga o Fanua ma Suafa.
O le tusi a Faamasino o le Faamasinoga o Fanua ma suafa, o loo talosagaina ai le siitia o latou totogi ma vaega e fesoasoani ile faatinoga o latou galuega.
Na tatou fesiligia le Minisita o le Matagaluega o Faamasinoga, afioga a Matamua Vasati, i sona finagalo i le mataupu lea. Peita’i na ia faapea mai, ole taimi nei, na’o na ia faalogo iai ae le’i faitau lelei iai.
Ile tatou faatalanoaga lava lea ma le afioga i le Minisita na ia faailoa mai ai, na ave sa’o lava le tusi ile afioga ile Palemia. Peita’i i tatou lipoti ua tuanai, na afea ai le faataatia ese o mataupu tau faamasinoga, toe iloilo, talu e leai se tupe na atofa mose nisi faamasinoga, pei o le faamasinoga o apili, e leai foi ni ona Faamasino, ma se tupe e totogi ai ni faamasino.
O se vaega o faamasino o le faamasinogao Fanua ma Suafa, e aafia o latou tofiga i lalo o le tulafono o loo faia iai suesuega ile taimi nei.
E le’o galo lava foi i faamaumauga o mea tutupu, ile faagasologa mai o le faigamalo fou, le aso faapitoa o le ‘ava faafeiloa’i a le Matagaluega o Faamasinoga ma le latou Minisita fou, ma le Minisita lagolago.
Molimauina, sa le’i auai le itu o le Faamasinoga o Fanua ma Suafa, vagana ai le Faamaisnoga Maualuga ma le Faamasinoga Faaitumalo ma le aufaigaluega, ae o le Pulega. Ua tatou faamauina foi le molimau a le Minisita o Faamasinoga, Afioga a Matamua, e le’i avatua ia te ia le tusi a le Faamasinoga o Fanua ma Suafa, na ave sa’o lava ile afioga ile Palemia.
