Tala toe tuliloa I le faamasinoga o faagasolo ai ile Faamasinoga Faaitumalo I luma ole tamaitai faamasino Judge Alalatoa Rosela Papalii.
Ua lua aso sosoo o taofi mose taimi le tumau le molimau mai Niusila a le Susuga a Vui Sione Masinamua, ona o faaletonu o fesootaiga televave po o le Zoom.
Mai le aso Tofi na faigata ona iloa tonu e Vui le tagata e suafa ia Perkins Feagia’I Headly.
O Vui o le molimau a leoleo faasaga ia Perkings, afua mai ini lafoga i luga face book, o tuuaia ai le faasoesa ma aafia ai lagona o taitai o le malo e aofia ai le Palemia, afioga Fiame Naomi Mataafa ma isi.
E faalua lava ona sese le faasino a Vui ile tagata tonu o loo ia tuuaia ilea so Tofi, E ui ina ia molimau o lona tauaiga, ma e nate iloa lelei foi ma masani ona la talanoa.
Peita’i o le nenefu ole masini na faatino ai galuega a le faamasinoga, na toe tolo mai ai maile Aso Tofi ile Aso Faraile le faaauauina o lea lava vaega o le faamasinoga.
Na amata tolauluga ile 10 ile taeao ananafi, ma ua sili atu ona manino le masini ua faaaoga, ma sa’o tonu ai le tagata na faasino e Vui, e nate iloa lelei, o lona tauaiga, o Perkins Feagia’I Headly.
Peita’i i taualumaga o le mataupu lea ile aso Faraile, i luma lava ole tamaitai faamasino, Judge Papalii, na maitauina ai le sologa lelei lava ole faasologa ma faaauau le molimau a Vui.
Peita’i na toe taofia ai foi le molimau a Vui mose taimi le tumau ile faamasinoga ananafi, ina ua faafuasei lava ona mou le fesootaiga, ma le toe iloa atu le molimau.
E mou le fesootaiga ma Vui, pei ona lipotia e le Talamua, ae o loo tu’I fesili e le Loia a Perkins, Susuga a Lemisio. Ma fesiligia ai e le Faamasino le faafuase’i ona leai se fesootaiga ma le molimau I lea taimi.
Ma poloaia ai e le faamasino le toe saili ane o le molimau, ma ia ta’ua ane ile faamasinoga, e le’i alu ese o lae lava sa talanoa ane.
Ae ole tali a le inisinia, IT ina ua fesili le faamasino ile mafuaaga o le faaletonu, ole faaletonu mai le pito a Vui.
Na saunoa le loia a Perkin, Susuga Lemisio, o loo silafia lelei e Vui le taua o le matupu lea, ua valu masina o faatali ai lana client i Samoa, ma ia talosaga ai e faaleaoga le tagi.
Saunoa Judge Papalii, I le mou o Vui mai le taimi o faatino ai le galuega a le faamasinoga ua matua le tusa ai lava ma taualumaga o mataupu tau faamasinoga.
Ma sa le tatau lava ona tupu lea tulaga.
Ma ua leai foi se faatuatuaga o nisi faamatalaga mai le molimau lea, ma faagata ai.
Na ta’u atu foi e Lemisio ia Vui, le taua o lana molimau i leoleo, ua ua faailoa atu e Salote ia te ia, o ia e ana le Fake page.
Ae aisea na ia le ta’u ai le mea lena i lana molimau i leoleo?
Maitauina foi i isi vaega o le molimau a Vui na tolaulau i luma ole faamasinoga, ae le’o tusia I luga o lana faamatalaga tusitusia i leoleo.
25 moliaga faasaga ile tamaitai o molia, Perkings Feagiai Headly ma le/ poo Salote Syrah Tautai.
Ole aso 3rd o Aperila, e toe valaau ai le matupu lene
