O le fonotaga a le Palemene o le aso 17 Me 2022 na faaopopo mo le toe foi ane ai ole Komiti faapalemene o Amioga taupulea ma se Lipoti o le latou suesuega.
O le suesuega i le tusi faasea a le afioga i le Sui Palemia, Tuala Iosefo Ponifasio, faasaga i faipule e to’alua ole HRPP, na faamaonia a la solitulafono e le faamasinoga.
Peita’i ole fuafuaga a le Fofoga Fetalai, mo le aso fono 17 Me, ua le o gatusa ai lea ma le tapenaga a le Komiti,
Ma toe tatalo atu ai le Taitaifono o le Komiti, Valasi Togamaga Tafito Selesele, mo se avanoa e faamae’a ai a latou tapenaga.
O le komiti o Amioga Taupulea a le Palemene, e toa iva Faipule o loo iai, ae ua fesiligia ai nei, pe aisea na le faaaoga ai auala o fesootaiga televave, ia latou tapenaga .
Ole Aso Faraile ole vaiaso talu ai na tula’i ai le afioga i le Palemia, Fiame Naomi Mataaafa i luma o le Komiti, faapena foi ile afioga i le Sui Palemia e ana le tusi faitio , ma le Afioga faipule o Faleata Lealailepule Rimoni Aiafi ile Aso Tofi.
O lesi faipule o aafia i le tusi faitio a le afioga a Tuala, ole Susuga a Tuilaepa Sailele Malielegaoi, molimauina mai oloo malaga i Niusila.
Ma ua pasia ai le toe foi ane ole Palemene i le aso 24 o Me e faaoo ane ai le tapenaga a le Komti faapalemene o amioga taupulea fatatau ile tusi faitio a le afioga i le sui Palemia i faipule e toalua o le Maota.
