E ui o loo taumafai le malo ma le Matagaluega o le Soifua Maloloina e faatonutonu le pipisi i tua o siama o le faamai Covid19, ae o lea ua faailoa mai e le sui faatonusili o le Matagaluega o le Soifua Maloloina, Tagaloa Dr Robert Thomsen, ua o latou mulimulitaia lava faatonuga mai le malo pei ona pasia ai e le kapeneta le na’o le fitu o aso e faanofo esea ai tagata malaga mai fafo.
E amata atu i le vaa lea na malaga mai Niusila ile aso Lua 29 Mati, 2002 ae faauma pea le taimi tolu vaiaso ma le lua vaiaso o pasesese oloo faanofoesea ai nei, vagana ai pasese o le vaa ole Aso lua, 29 Mati.
I totonu o le 10 aso talu ona sao mai le siama i tua, ae ua oo ile 1,239 tagata ua pesia i le faamai, talu mai le aso 17 o Mati i faamaumauga a le Matagaleuga o le soifua maloloina e oo mai le aso 27 o Mati.
O le 97% o lena aofai oi i Upolu nei, ae 3% o loo i Savaii.
E le’o iloa tonu le aofai o le pasese lea na taunuu mai Niusila ile Aso Lua o le vaiaso nei, oloo taumate pe a male 220, ile faamatalaga a Dr Thomsen, e iai latou na omai e momoli mai pasese ma e toe foi ai lava ile vaalele lea, ae ole pasese lea ua taunuu, ua amta atu ai le faiga fou e ole a na’o le tai fitu aso e faanofovaavaaia ai.
Na amata mai le faanofo esea o tagata, ile tali lua vaiaso, ma sii atu ile tolu vaiaso lea ua pa’u ifo i le tasi le vaiaso, ile taimi tonu ole pipisi i tua o le faama’i. I le talanoa mai a le Susuga ia Falefata Nari o Nuu fou, na ala ona oo mai le faama’i i tua ona o tagata malaga mai fafo na omai ma aumai.
Peita’i o lea ua saosaoa atu le pepesi i le atunuu lautele nai lo tagata malaga mai vaalele, talu ona tatala feoaiga faavaomalo, e na’o le 48 lava tagata Samoa na aafia ai ile siama. Faatusa ile taimi lenei lea ua lata i le 1,500 ae lei atoa se lua vaiaso talu ona iloa ua salalau ai tua le siama Covid19.
