Ua fesiligia ai nei le faatatope ma le utiuti o taimi o loo avatu ile atunuu lautele e faaali ai o latou finagalo, ile taua ole tulafono faavae ma le tulafono o fanua ma Suafa.
Ina ua faalauiloa mai : E na’o le tai tolu itula ua avatu i itumalo i Savaii e talanoa ai i le tulafono tau faaofi , o le faavae 2024 ma le tulafono o fanua ma suafa, 2024.
Pei ona tamau ai mo le aso, Aso Gafua, 28, ua oo atu ai le faasologa ole faatalanoina ona mataupu I Savaii ina ua mae’a ai Upolu.
Peita’i mo itumalo o Gaga’emauga 1, 2, ma Gagaifomauga 1, 2, ma le tolu, e silia ile 8,700 tagata, o afifioa , pei ona faamauina ile tusigaigoa lata mai,
Ae na’o le tolu itula ole aso lea ua atofa e faatalanoina ai ia mataupu o taua I luga,
O saunoa ai le matai o le itumalo, ile taua o mataupu poo tulafono e sootaga I le faavae ma le tulafono o Fanua ma Suafa, Ae na’o le tolu itula o loo avatu mo itumalo e tusa o le 8afe tagata matutua ma talavou e taua o latou finagalo o loo alala ai.
Lea e faia ane ile afioaga o Fagamalo ile aso.
Sa amata atu ai i le taeao I Faasaleleaga tasi, lua, tolu, fa ma le lima ile maota o le EFKS I Sapapalii, mai le 9-12pm.
Ae ta le lua ile I le auauli o le Aso, ua faasee atu i itumalo palota o Gagaemauga, Gagaifomauga tasi, lua ma le tolu e faia I le maota o le EFKS I Safotu.
Ma faasolo atu ai ile aso a taeao ile tolu foi itula mo Vaisigano Alataua ma Salega I le Hall I Papa Sataua.
