Ua faitau masina talu ona le toe vaaia ni galuega a le au fai auala , poo le vaega lea gafa lava latou ma le tau faamolemole o magaala tafia ona o timuga ma galua, ae o le tele foi o taavale ua feoai ai nei.
Aemaise ole agai atu ile pito i Sisifo, talatu o le uafu i Mulifanua, fapena foi ile agai atu i Sasa’e o le motu nei o Upolu, ma nuu i tua ile pito i Saute.
Peita’i ole ta’ua e le Vaega o pulega o auala tetele, e le’i maua se taunuuga o mataupu tau auala, mai le kapaneta.
A o le tala mai totonu o le OFisa o Tupe, ina ua tatou fesiligia i le faaletonu ai o auala tetele, ae o le tali mai, o le vaiaso talu ai na oo atu ai le pepa i luga e saini, ma faaoo atu ai ile kapeneta pe o le vaiaso nei.
I le tatou maitau, o le masina o IUlai lea na pasia ai le tala o le tupe faasoasoa a le malo, ma saunoa ai le afioga i le Palemia Fiame Naomi Mataafa, ina ia faagaioi loa galuega. Peita’i ua savali i le fa masina le foea’i fealoalofa’i solo o taavale i luga ala omoomo i tua atu o le taulaga , ose tulaga na ta’ua e le tatou paaga, e lamatia ai foi e le gata o taavale ae o soifua i luga o auala faaletonu.
Ua uma ona pasia ane e le Kapeneta le faiga o alavai, vagana ai le au teu auala ma moavao o loo talia pea le taunuuga.
Ae o saunoa le afioga i le Minisita ia Olo Afoa Fiti Vaai ina ua tatou fesiligia, ua leva ona tatau ona faatino galuega… peita’i ile tatou maitau e le’o le tulaga lea o iai nei, ma oo atu ai lava ina faaletonu atu ai foi ma tupe maua a tagata e faigaluega auala.
Ole vaiaso nei lea ua ta’ua mai totonu, ile Vaega o Tauofoga atonu e maua ane ai se tala a le kapeneta mo lea faatatau.
