Na maualuga le faaaloalo a le malo, i le taunuu ai ole Kovana sili o le malo o Niusila. I le taimi tonu o taligamalo masani ai faaletausaga ale tatou atunuu.
I le masina lenei o le Teuila, poo le faapitoa mo tagata tafafao mai fafo, o tulisi, ma tatou aiga asiasi mai. Ae ole taeao ole Gafua lea na faia ai le tula’i faaaloalo a leoleo i luma maota o le malo.
Ma sisiina a’e ai foi le fu’a o le malo o Niusila, ae ta e le faili a leoleo le vii ole latou foi saolotoga.
O le polokalame a lana afioga i le Kovana, e aofia ia le feiloa’i atu i le afioga ile tamaitai Palemia, Fiame Naomi Mataafa. Faapea le afioga i le Ao o le Malo, Tuimalealiifano Sualauvi le lua, ma le atunuu lautele, lea o le’a ia molimauina ile aso, a’o iai i Savaii.
