Ua toe totogi foi e le Matagaluega o leoleo tupe ile isi foi tagi na faasaga ile Matagaluega.
Na fesiligia ai foi le faamaoni o le faatinoga o galuega faatino a leoleo.
O le vaiaso talu ai valaau ai ile faamasinoga ma faaleaoga ai le tagi faasaga i leoleo, ani alii na loka sese i tuuaiga e sootaga ile tino maliu ose tama na maua ile tusa o le 10 tausaga talu ai.
Ole aafiaga o Vaeu’a Seiuli ma Walker Seiuli ua fai mai i utua ile va o loia a le toalua na loka ma le matagaleuga o leoleo.
Ma faamuta ai foi lena matapu e le Faamasino Justice Clark.
Ole mataupu lea na faato’a molia ai alii ia I le 2017, fa tausaga talu ona maua le ua maliu, ae 2018 toe faaui I tua moliaga a leoleo i le leai oni molimau e lagolago ai moliaga.
Peita’i e le’o mafai ona faailoa le aofai o le tupe ua totogi e le matagaluega o leoleo ile itu tagi.
Ae ile tatou faatalanoaga ma le afioga I le Minisita ole Matagaluega o Leoleo, ile tausaga talu ai, Faualo Lefau Harry Schuster na ia saunoa ai e tatau lava ona iai le silafia i leoleo ma mulimulita’ia le tulafono, ile faatinoga o latou galuega, e alofia ai le toe faasaga mai o tagi faaletulafono faapea.
O popolega o le Minisita ona o le aofa’i o tagi faasaga i leoleo o loo faagasolo i lena taimi ua lata i le miliona tala ua totogi e leoleo i tagi, ae o tupe a le au togilafoga.
Na faatatau le saunoaga a le afioga ile Minisita i le isi foi mataupu, pei o Suitupe Misa na tagi faasaga i leoleo ile molia sese foi ile 2015, na o atu ai leoeo ma aupega ile maketi ma faamataga ai lona tagata. O le mataupu lena na soalaupule foi i tua ma totogi e le matagaluega le $800afe tala, pei ona saunoa le Minisita.
