Ua amanaia e le malo o Ausetalia le sao o le Oifsa o fuainumera faamaumau a Samoa, ile tuuina atu lea o faamaumauga sa’o ma atoatoa mo faaiuga fai.
Ole vaiaso nei lea na tauaao ai e le Komesina lagolago o Ausetalia i Samoa, Ms Claire McGeechan, mea faialuega i le ofisa pei o laptops ma tablets ma polokalame faapitoa e faaaoga ile galuega, a le ofisa faamaumau a Samoa. Ma faafetaia ai e le Oifsa sili, Susuga a Leota Ali’ielua Salani, le fesoasoani taua a Ausetalia, ile latou galuega o faia nei.
Ole faamaumau lea o maota o aiga, i a latou tupe maua ma tupe faaalu, ma ituaiga o soifuaga o aso uma o iai.
Ole galuega lea ma lona faatinoga, ua atofa ane ai e Ausetalia, le $WST1.2 million, faatasi ai ma le $WST140,000 mea faigaluega o taua i luga ae o polokalame faaaoga.
O galuega ia, pei ona taua e le sui o Ausetalia, e iloa gofie ai tulaga maaleale o iai Samoa, ma lona taatiaga faaletamaoaiga.
O le a avatu le taunuuga o lenei faamaumauga mo le latou e faia faiuga i lo latou foi sao ile atinaeina o tamaoaiga o Samoa, pei ona saunoa le sui o Ausetalia i Samoa. Ms Clair McGeechan
