E silia ile 200 tamaitai leoleo, o Apia ma ofisa i tua atu o Upolu na auai ile Savali faapitoa o le taeao, e aloaia ai le aso faamanatu mo Tamaitai ile lalolagi.
O le sao o le matagaluega o leoleo ilenei aso taua a Malo Aufaatasi, e aofia ai lo le latou savali umi mai le ofisa o leoleo ma agai mai iluma maota o le malo ile 9 I le taeao, mole sauniga ole sisiina a’e ole fu’a pei ona masani ai.
Peita’i, o le savali na taimua le tamaitai sui Komesina ia Papalii Monalisa Keti. O le tamaitai muamua ua ia umia lea tofiga o le sui Komesina.
Na ta’ua e le itu o faasalalauga a le Matagaluega o leoleo, o loo faia lava foi le faaaloalo a tamaitai leoleo o galulue I Tuasivi ma isi lala i Savaiii, ile ofisa autu I Tuasivi.
Ae o o loo faatasia uma foi tamaitai leoleo mai ofisa i tua, ile taulaga mo le savali na faatino I le taeao.
Mai lava ile ofisa faasalalau a le Matagaluega, ‘e eseese lava events poo gaioiga faatino a tamaitai I lenei aso, e aofia ai ma le faaaloalo foi a alii I tamaiti o le latou lava vaega.
O isi vaega o loo ao a latou fesoasoani tupe, ma faatau ai oloa mana’omia mo le latou faapaaga le SVSG. Lea e momoli aloaia atu iai ise taimi o le aso.
Ae ole aloaia ai o le sisigafu’a a leoleo o lenei aso, e tamaitai leoleo ma ta’ita’ia e le Komesina lagolago, Susuga Papalii Epho Malele, I luma maota o le malo, molimauina ai le omai faatasi ole itupa o leoleo tamaitai siitia le tulaga aloaia o le Matagaluega, ile vaai lautele. E oo mai nei, e na’o le Matagaluega lava o leoleo lea ua agia le latou lagolago ile aso faalevaomalo o tamaitai ile lalolagi.
