E $3,000 le seleni tupe na tauaao atu e le susuga le faafeagaia ia Neru Nuialii ma le ofisa a le Ekalesia Aso Fitu i Lalovaea mo alo ma fanau o loo ile Toomaga.
O le auga lava ma le faamoemoe o nei meaalofa uma e tuuina atu e le mamalu o le atunuu mo le Toomaga ina ia mafai ai ona faatinoina ai manaoga o vaega o loo manaomia e fanau.
Ia tutusa le faatinoina o latou manaoga ma manaoga o fanau o loo mafuta i o latou aiga ma matua moni.
Peitai o le tuuina atu ai o lenei vaega tupe e le pulega o tamaiti aoga a le Eklaesia Aso Fitu, o se faamanuiaga tele e le gata mo fanau ae oi latou o loo fesoasoani ile tausia ina o nei fanau.
Na tatalo faamanuia foi le faafegaia mo alo ma fanau ia manuia ma ia maua le fiafia o le Kersimasi ma le tausaga fou.
O le agaga o le fiafia ma le loto faafetai na faaleoina e le perestene o leToomaga agai le faafeagaia ma le aufaigaluega ona o le seleni ua fai meaalofa atu ai ao aiga atu e faamanatu le Kerisimasi ma le tausaga fou.
