27 Tesema 2024 Samoa: E toe a’e mai ai galuega a le malo, ile Aso Gafua oi luma, aso 6 o Ianuari, ae tapunia ai le falema’i faaitumalo i Leulumoega mo se taimi le tumau.
O le maota gasegase lea faaitumalo sa agai ane iai ma afioaga o le itumalo o Lefaga ma Faleaseela, mase vaega o A’ana, aemaise ai lava i gasegase ma faalavelave faafuasei.
Peita’i ua iai le fuafuaga a le Matagaluega o le Soifua maloloina e faia ni galuega toe faaleleia ile maota, ua afua ai le sii atu ole auaunaga ile falema’i faaitumalo i Faleolo fesaga’i ma le Malaevaalele faavaomalo.
O le falema’i lena i Faleolo o loo agai ane iai afioaga mai Falelatai ma Aiga ile tai i gasegase faafuasei ma faalavelave.
Ua mae’a faatotogaina i masini ma manaoga faaonapo nei, ae o foma’i ma tausi soifua mo le faamalieina o le auaunaga masani a le Matagaluega.
Ae o le a toe foi ai foi le auaunaga ile Maota gasegase tele o le Tupua Tamasese Meaole i Motootua i tami masani ai, talu ona tapunia ile 8pm ile 8am i ma’i tausavali, vagana ai faalavelave faafuasei ma ma’i tigaina. Ae sa tatala lava i auaunaga masani mai le 8am ile 8pm.
O le aso Gafua ole vaiaso fou,6 o Tesema e tapunia ai le falema’i i Leulumoega ae aga’i tasi lena itu o le motu o Upolu mo togafitiga faatopetope mana’omia ile falema’i i Faleolo.
