2 Tesema 2024 Ole malae vaalele fou poo le regional terminal Airport lea na fausia mo tagata mai atunuu eseese sa malaga mai ile fonotaga a le Chogm na faatupe uma ele Pulega o Malaevaalele a Samoa, lea e oo atu le ile 11 Miliona tala ua faailoa mai ua amata faaaoga mo malaga ale Talofa Airways, aua an vaalele laiti.
Ma o se tala faasolopito foi lea ilea auaunaga lo latou amataina ni faiga malaga ile va o Samoa ma Amerika Samoa mai le nofoaga fou mo malaga faavaomalo mai Faleolo le Regional Terminal.
Mai I se pepa o faamatalaga na faailia manino ai le amata tatala o lea fale ma amata faaaogaina ile amataga o le vaiaso nei e ala I auaunaga e pei o le tiute, o le vaaia uta, le vaega o femalagaiga ma le puipuiga ua iai uma i lea nofoaga fou auā le tautuaina o le atunuu femalagaa’i.
Faaalia e le Pulega o Malae Vaalele o le faagaioia mai o malaga a vaalele laiti mai lea nofoaga i le malae vaalele faavaomalo i Faleolo o le a tele ai le avanoa o le vaega autu poo le main terminal e faaaoga i malaga a vaalele tetele.
O le Aso Sa a sau nei e amata ai faigā malaga a vaalele laiti o le kamupani vaalele o le Samoa Airways mai le nofoaga fou i Faleolo, ae o isi malaga uma a lea kamupani vaalele o loo faaaoga ai i aso o le vaiaso le malae vaalele i Fagalii.
