O le aso a taeao le aso toanai 26 o Aukuso lea ua faailoa mai e le afioga ile Komesina o faigapalo ia Tuiafelolo Alexandra John Stanley e amata ai le faatosina o le faiga palota laititi a itumalo e tolu o loo loma nei Le itumalo o Faleata 4 lea o loo tauva mai ai le susuga ia Ale Vena Ale i lalo o le faamalu a le FAST, ma le susuga ia Ulu Bismark Fuluasou Crawley i le vaega Tu toatasi.
O le itumalo o Siumu, o loo tauva mai ai le susuga ia Faalogo Kapeli Faalogo Lafaele ile Tu toatasi, Tu’uu Amaramo Sialaoa Pagamalie o le vaega faaupufai o le HRPP, ma le susuga ia Tuuu Anasi’i Leota. Ma le itumalo o Va’a o Fonoti o loo tauva mai ai le susuga ia Feutagaimealelei Osovale Brown mai le pati fou na faatoa resitala i le aso ananafi le CDRP poo le Constitution Democracy Republic Party, le sui mai l e HRPP le susuga ia Leausa Take Naseri ma le sui o le Faatuatua i le Atua Samoa ua tasi le susuga ia Mauu Siaosi Puepuemai.
“Amata taeao le aso 26 ae tapunia le aso 12 o Setema ile ta o le 12:00pm ae pre polling ai le aso Lulu, ae aso Faraile le palota laititi o le agaga o le Faalauiloa o lou sui tauva ia faalauiloa oe, tufa ai pepa o loo faamatala ai oe.
“Fai au faalauiloa i luga o le media ma auala faasalalau pau na o le vaega lea faailoa mai e le tulafono, ae leai ni tufagatupe, meaai leai ni vai ma talau mai tagata e resitala o vaega uma na o loo i lalo o le tulafono.”
Ma ua faamanatu mai e le Komesina o le faigapalota e le alo lava le faasalaga o le tulafono iai latou ua atoa le tai 21 tasuaga ae maua e lei resitala e lei palota foi ae oi latou foi ua maea ona resitala ae lei palota.