A’o gasolo ai tagata ole tatou atunuu i galuega faavaitaimi, ae ua amata ai nei foi ona aumai faalauiloa mo aiga ma tagata taitoatasi, ole 1,600, ua fili e Niusila mo lana Kuota faaletausaga, 2023.
E aofia ai le feiloaiga a le sui ole Ofisa malaga o Niusila i Samoa ma tagata na autu iai talosaga ile polokalame e faamalamalama ai tapenaga mo Niusila
Peita’i o saunoa le Susuga a Lauafia Katie Moananu , o lana ofisa malaga , e silia i le 130 tagata talosaga na manuia ai. O le’a faia lana foi faatalanoaga faalauaitele ile aso 15 ole masina nei o Novema.
O lena faatalanoaga, e faamalamalama ai faamaumauga oloo mana’omia, ae ole tapenaga mo Niusila, aemaise aiga poo matua ma fanau o loo manuia ile se’i. O tapenapega amata atu lava i Samoa nei, ma le faatinoga pepa nofo mau, a ole taua, ole iai ose galuega e mautu ile taimi e taunuu atu ai i Niusila.
Na saunoa Lauafia, ole sailiga mai ole pepa faigaluega mautu, o loo gafa lea ma le susuga a Namulauulu i Niusila, e fealua’i solo i vaega o Niusila i kamupani ma ofisa, ia mautinoa e faamaonia pepa faigaluega.
Talu, ua le tasi se tausaga e molimauina ai le faatalale o pepa faigaluega o isi aiga, ma maumau ai avanoa.
O le masina foi na te’a nei o Oketopa na toe oo ane ai isi aiga mose fesoasoani, ina ua le agavaa pepa faigaluega, sa maua ane ise tasi o polokalame faalauiloa sa faia ile taulaga. Ole aso lea e faia ai faatalanoaga faalauiloa a Niusila, ae ole aso 15 Novema mo le ofisa malaga a Katie Moananu i le Tuutuuileloloto.
